វិធី ៦យ៉ាង ជួយបង្រួម និងរឹតបន្តឹងរន្ធញើសធំលឿនបំផុត!

មនុស្សដែលមានខ្លាញ់ច្រើននៅលើស្បែក ជាទូទៅពួកគេមានរន្ធញើសធំ ហើយមើលទៅគួរខ្ពើម។ ដោយសារតែការព្យាយាមព្យាបាលដើម្បីធ្វើឱ្យរន្ធញើសរបស់ពួកគេដោយ វិធីសាស្ត្រផ្សេងៗតែគ្មានប្រសិទ្ធភាព។

ជាការពិតណាស់ មានផលិតផលជាច្រើនដែលអ្នកអាចរកទិញបានដើម្បីរឹតបន្តឹងស្បែកមុខ និងកាត់បន្ថយរូបរាងនៃរន្ធញើសធំៗនៅលើស្បែកមុខ, ប៉ុន្តែនៅទីនេះផងដែរ អ្នកនឹងទទួលបានរូបមន្តពិសេសនៃឳសថធម្មជាតិមានប្រសិទ្ធភាពខ្ពស់ ដើម្បីដោះស្រាយបញ្ហានេះ។

អ្នកគួរតែព្យាយាមអនុវត្តជាមួយគ្រឿងផ្សំទាំងអស់នេះ៖

ទឹក និងម្សៅសូដា (Baking Soda)

លាយម្សៅសូដា ២ ស្លាបព្រាបាយ ជាមួយទឹកបន្តិចផងដែរ។ បន្ទាប់មក, អនុវត្តល្បាយនេះនៅលើមុខរបស់អ្នក ហើយទុកវាឱ្យស្ងួតក្នុងរយៈពេល ១៥ នាទី។ បន្ទាប់ពីម៉ាសមានសភាពរឹតបន្តឹងនៅលើស្បែកមុខ រួចធ្វើការលាងសម្អាតជាមួយទឹកត្រជាក់ធម្មតា។

នេះជាឳសថធម្មជាតិដែលបានរៀបរាប់ខាងក្រោម គឺមានប្រសិទ្ធភាពខ្លាំងណាស់ និងផ្នែកខាងវិជ្ជមាននៃឳសថធម្មជាតិទាំងនេះ គឺថាពួកគេត្រូវបានបង្កើតឡើងដោយគ្រឿងផ្សំធម្មជាតិ ២ ទៅ ៣ មុខតែប៉ុណ្ណោះ។

ត្រសក់, ក្រូចឆ្មា និងទឹកផ្កាកូលាប

ចាប់ផ្ដើមយកត្រសក់មួយផ្លែមកពុះជាពីរចំណែក រួចយកគ្រាប់វាចេញ ហើយកោរយកតែសាច់ខាងក្នុងរបស់វាបានហើយ។ បន្ទាប់មក បន្ថែមទឹកផ្កាកូលាប ១ ស្លាបព្រាកាហ្វេ និងបន្តក់ទឹកក្រូចឆ្មា ៣ ទៅ ៤ ដំណក់។ ដាក់លទ្ធផលល្បាយនេះ នៅលើក្រណាត់ស្អាតមួយ បន្ទាប់មក អនុវត្តវាទៅលើមុខរបស់អ្នក។ ចុងក្រោយ, លាងសម្អាតល្បាយនេះជាមួយទឹកត្រជាក់។

ស៊ុតស និងទឹកក្រូចឆ្មា

រៀបចំម៉ាសបិទមុខពីធម្មជាតិដោយខ្លួនអ្នកផ្ទាល់ដោយប្រើទឹកក្រូចឆ្មា ៣ ទៅ ៤ ដំណក់ លាយជាមួយស៊ុតសពីរគ្រាប់ (ល្បាយខាប់ពណ៌ស)។ អនុវត្តម៉ាសនៅលើមុខរបស់អ្នក និងទុកឱ្យវាស្ងួតរយៈពេល ៣ ទៅ ៤ នាទី។ បន្ទាប់មក លាងសម្អាតជាមួយទឹកត្រជាក់ចេញ។ ម៉ាសនេះនឹងជួយអ្នករឹតបន្តឹងរន្ធស្បែកញើសរបស់អ្នក និងជួយកម្ចាត់កោសិកាស្បែកដែលងាប់ និងជាតិប្រេងនៅលើផ្ទៃមុខ។

ទឹកប៉េងបោះ និងទឹកក្រូចឆ្មា
នៅក្នុងទឹកប៉េងបោះ បន្ថែមទឹកក្រូចឆ្មា ២ ទៅ ៤ ដំណក់។ អនុវត្តល្បាយរាវនេះនៅលើមុខរបស់អ្នកដោយប្រើសំឡីកប្បាសដើម្បីជ្រលក់ ជាមួយល្បាយរាវនេះ និងអនុញ្ញាតរក្សាវានៅលើផ្ទៃមុខរបស់អ្នក ១៥ នាទី។ បន្ទាប់មក លាងសម្អាតមុខរបស់អ្នកជាមួយទឹកត្រជាក់។

សារធាតុប្រេងនៅលើមុខរបស់អ្នកនឹងត្រូវបានយកចេញ អរគុណចំពោះជាតិអាស៊ីតនៅក្នុងទឹកក្រូចឆ្មា និងទឹកប៉េងប៉ោះដែលដើរតួនាទីក្នុងការបង្រួមរឹតបន្តឹងស្បែកមុខ។ ដូចគ្នានេះផងដែរ, ល្បាយនេះមានប្រសិទ្ធភាពខ្ពស់ក្នុងការរឹតបន្ដឹងស្បែកនិងបិទរន្ធញើសរបស់អ្នក។

គ្រាប់អាល់ម៉ុង និងទឹកក្រូចឆ្មាយកគ្រាប់អាល់ម៉ុង ៥ ទៅ ៦ គ្រាប់ ទៅត្រាំទឹកនៅក្នុងកូនចានមួយក្នុងអំឡុងពេលមួយយប់។ លុះដល់ពេលព្រឹកឡើង យកគ្រាប់អាល់ម៉ុងមកកិនកម្ទេចឱ្យបានម៉ដ្ឋល្អ។ បន្ទាប់មក បន្ថែមទឹកក្រូចឆ្មាមួយស្លាបព្រាកាហ្វេទៅលើល្បាយម៉ដ្ឋអាល់ម៉ុងនេះ។ អនុវត្តល្បាយនេះ នៅលើមុខរបស់អ្នក និងអនុញ្ញាតរក្សាវាទុកក្នុងរយៈពេល ៣០ នាទី។ មន្ទាប់មក លាងសម្អាតមុខរបស់អ្នកជាមួយទឹកត្រជាក់។

ទឹកក្រូចឆ្មា និងទឹកម្នាស់
យកក្រូចឆ្មាមួយចំហៀង ច្របាច់យកតែទឹក ហើយលាយជាមួយទឹកម្នាស់កន្លះកូនពែង។ បន្ទាប់មក យកក្រណាត់ស្អាតមកជ្រលក់នៅក្នុងល្បាយនេះ ហើយអនុវត្តវានៅលើមុខរបស់អ្នកក្នុងរយៈពេល ៥ នាទី។ រួចហើយ លាងសម្អាតមុខរបស់អ្នកជាមួយទឹកត្រជាក់ជាធម្មតា។

អស់ស៊ីមក្នុងការផ្ដល់ដោយទឹកម្នាស់ និងជួយពង្រឹងក្នុងការសម្អាតស្បែកលើផ្ទៃមុខរបស់អ្នក។ ដូចគ្នានេះផងដែរ, វាបានធ្វើការយ៉ាងល្អជាមួយប្រសិទ្ធភាពខ្ពស់ក្នុងរឹតបន្តឹងស្បែកមុខ នៃជាតិអាស៊ីតមាននៅក្នុងទឹកក្រូចឆ្មា៕